"सुर्नयामा अल्ट्रासाउण्ड शिविर शुरु, गर्भवती माहिलालाइ सेवा लिन आग्रह "

बैतडीको सुर्नया गाउँपालिकामा गर्भवती आमाहरुका लागि निशुल्क ग्रामीण अल्ट्रासाउण्ड घुम्ती शिविर सञ्चालन भएको छ । गर्भावस्थामा हुन सक्ने जटीलताका बारेमा समयमै पत्ता लगाइ मातृ तथा शिशु मृत्यु रोकथामका लागि ग्रामीण अल्ट्रासाउण्ड शिविर शुरु गरिएको हो।

आइतवार पहिलो दिन वडा नं ८ स्थित भूमीराज आधारभूत स्वास्थ्य केन्द्रमा १७ जना र वडा नं ७ स्थित शिखरपुर स्वास्थ्यचौकीमा १४ जनाले सेवा लिएको थियो ।

सोमबार शिखरपुर सामुदायिक स्वास्थ्य इकाइमा शिविर सञ्चालन हुनेछ । यस्तै चैत १२ गते शंकरपुर स्वास्थ्यचौकी, चैत १३ गते भौनेली स्वास्थ्यचौकी, चैत १७ गते वासुलिङ्ग स्वास्थ्यचौकी, चैत १८ गते वासुदेव आधारभूत स्वास्थ्य केन्द्र र चैत १९ गते हटैराज स्वास्थ्यचौकीमा शिविर सञ्चालन हुनेछ ।

गर्भवती आमाहरुलाई नजिकैको स्वास्थ्य संस्थाहरुबाट सेवा प्राप्त होस भनेर ग्रामीण अल्ट्रासाउण्ड शिविरको आयोजना गर्ने गरिएको गाउँपालिका स्वास्थ्य शाखा प्रमुख राम सिंह महराले बताएका छन।