नेभिगेशन
राजनीति

सिगासको लगनमा बिजुली बल्यो, स्थानीयबासी खुसी

बैतडी–बैतडीको सिगास गाउँपालिका –३ स्थित लगन बजारमा पहिलो पटक बिजुलीबत्ती बलेको छ । लगन बजारमा ट्रान्सफर्मर राखेसंगै बिजुलीबत्ती बलेको हो । 

सिगास गाउँपालिका र नेपाल विद्युत प्राधिकरण बैतडी वितरण केन्द्रको संयुक्त प्रयासमा सिगास गाउँपालिकाका विभिन्न स्थानमा विद्युत विस्तारको कार्य भइरहेको छ । 

लगन बजारमा बिजुलीबत्ती बलेपछि स्थानीयबासिन्दाहरु खुसी भएका छन् । लामो समयको पर्खाइपछि गाउँघरमा विद्युत विस्तार भएपछि खुसी लागेको स्थानीयहरुले बताएका छन् । 

लगन बजारमा विद्युत विस्तार भएसंगै आसपासका क्षेत्रहरुमा पनि विद्युत विस्तार गरिने भएको छ । वडा नं ३ को ठूलसैनी, मैनोला, सादडा, चमडेखर्क, बिरा टोल लगायतका क्षेत्रहरुमा विद्युत विस्तारको तयारी भइरहेको बताइएको छ । 

सिगास गाउँपालिकामा विद्युत विस्तारका लागि तीव्र रुपमा काम भइरहेको बताइएको छ । 

प्रकाशित मिति:
प्रतिक्रिया दिनुहोस्

पत्रकार पवन अवस्थी एक कुशल लेखक हुन्, जो त्रीनेत्र खबर मा विभिन्न विधाहरूमा आफ्नो कलम चलाउँछन्। उनले राजनीतिक, सामाजिक, आर्थिक, र सांस्कृतिक लगायतका थुप्रै विषयहरूमा गहन अध्ययन र विश्लेषण गरी लेखन गर्छन्।

थप राजनीति